घरजग्गा कारोबारमा पारदर्शिता सुनिश्चित गर्न सरकारले ल्यायो कडा नियम
4 June 2025 · Nepal Bhoomi
घरजग्गा किनबेचमा बैंक स्टेटमेन्ट अनिवार्य, १० लाखभन्दा बढी नगद कारोबारमा प्रतिबन्ध र ३ करोडमाथिको कारोबारको जानकारी राष्ट्र बैंकलाई।
घरजग्गा कारोबारमा देखिएको अपारदर्शिता र कालो धनको प्रयोगलाई नियन्त्रण गर्न सरकारले नयाँ कडा नियमहरू लागू गरेको छ। सरकारको यस कदमको उद्देश्य देशलाई फाइनान्सियल एक्सन टास्क फोर्स (FATF) को ग्रे लिस्टबाट हटाउने तथा सम्पत्ति कारोबारमा पारदर्शिता बढाउने हो।
किनबेचमा बैंक स्टेटमेन्ट अनिवार्य
अबदेखि कुनै पनि घर वा जमिन किनबेच गर्दा खरिदकर्ता र बिक्रीकर्ताले आफ्नो बैंक स्टेटमेन्ट अनिवार्य रूपमा मालपोत कार्यालयमा बुझाउनुपर्ने व्यवस्था गरिएको छ। भूमि व्यवस्थापन तथा अभिलेख विभागले जारी गरेको "सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारण सम्बन्धी निर्देशन २०८२" अनुसार लिखत पारित गर्दा नै खरिद-बिक्री पक्षबाट बैंक स्टेटमेन्ट संलग्न गर्नुपर्नेछ। खरिदकर्ताले पठाएको रकम बिक्रीकर्ताको खातामा बैंकिङ माध्यमबाट पुगेको प्रमाणित हुनुपर्नेछ।
नगद कारोबारमा प्रतिबन्ध
घरजग्गा कारोबारमा अबदेखि १० लाख रुपैयाँभन्दा बढीको नगद कारोबारमा पूर्ण प्रतिबन्ध लगाइएको छ। सबै प्रकारका लेनदेन अब बैंकिङ माध्यमबाट गर्नुपर्नेछ।
३ करोडभन्दा माथिको कारोबारमा राष्ट्र बैंकलाई जानकारी
३ करोड रुपैयाँभन्दा बढीको कारोबार भएमा सम्बन्धित मालपोत कार्यालयले अनिवार्य रूपमा नेपाल राष्ट्र बैंकको वित्तीय जानकारी इकाई (FIU) मा विवरण पठाउनुपर्नेछ।
KYC फारम अनिवार्य
खरिदकर्ता र बिक्रीकर्ताले Know Your Customer (KYC) फारम भरी प्रणालीमा अपलोड गर्नुपर्नेछ, जसमा नागरिकता, स्थायी ठेगाना, आम्दानीको स्रोतलगायतका विवरण स्पष्ट रूपमा उल्लेख गर्नुपर्नेछ। (पछि यो KYC नियम हटाइएको छ।)
नियम नमान्ने कर्मचारीमाथि कारबाही
मालपोत कार्यालयका कर्मचारीले निर्देशनको उल्लंघन गरेमा कानुनी तथा प्रशासनिक कारबाही हुने व्यवस्था पनि गरिएको छ।
FATF को ग्रे लिस्टबाट बाहिरिन सरकारको प्रयास
नेपाल हाल FATF को ग्रे लिस्टमा रहेको छ। यो सूचीबाट बाहिरिन सरकारले आर्थिक वर्ष २०८२/८३ को बजेटमार्फत आवश्यक कानुनी र संस्थागत सुधार गर्ने प्रतिबद्धता जनाएको छ।
नेपाल भूमि घरजग्गा कारोबारमा पारदर्शिता र विश्वास कायम गर्दै आफ्ना ग्राहकहरूलाई सबै प्रकारका प्रक्रिया र नियमहरूबारे जानकारी गराउन प्रतिबद्ध छ। यदि तपाईं घर वा जग्गा किनबेच गर्ने सोचमा हुनुहुन्छ भने, नयाँ कानुनी व्यवस्थाअनुरूप हामी तपाईंको सम्पूर्ण प्रक्रिया सहज बनाइदिनेछौं।
More from the journal
- नेपालभर घरजग्गा कारोबारमा देखिएको सुस्तता—यसका कारणहरू · Market News
- वाणिज्य बैंकहरूको नयाँ ब्याजदर सार्वजनिक: कुन बैंकमा वृद्धि, कुनमा कमी? · Banking
- घरजग्गा कारोबार गर्न अब लाइसेन्स अनिवार्य · Policy & Law
- राष्ट्र बैंकले ब्याजदर घटायो, घरजग्गा र सेयर बजारलाई नयाँ ऊर्जा · Banking
- घरजग्गा कारोबार गर्दा KYC चाहिने नियम दोस्रो दिनमै हटाइयो · Policy & Law
Nepal Bhoomi Real Estate · Lazimpat, Kathmandu, Opposite Image Channel building · +977 9818783518 · info@nepalbhoomi.com